રક્ષા બંધન—ભાઈ-બહેનના નિર્મળ પ્રેમ અને અટુટ બંધનનું પાવન પર્વ. આ તહેવાર માત્ર ઐતિહાસિક અને ધાર્મિક પરંપરાનું પ્રતિનિધિત્વ કરતો નથી, પરંતુ ભારતીય સંસ્કૃતિમાં લાગણી અને કળાની સુંદર અભિવ્યક્તિ પણ છે. આવી એક ભાવનાત્મક અને કલાપ્રેમી અભિવ્યક્તિ જોવા મળી રહી છે નવસારી જિલ્લાના ગણદેવી તાલુકાના બીલીમોરા શહેર માં રહેતી યુવતી જીનલ પટેલ તરફથી.
જીનલ પટેલ, જેમણે ડિપ્લોમાનો અભ્યાસ કર્યો છે, એમનું જીવનશૈલીમાં ભવિષ્ય ઘડવા માટેનું વિજ્ઞાનભર્યું અભ્યાસ તેમની કરિયરનો માર્ગ નિર્ધારિત કરે છે. પરંતુ, તેમનો એક જુદો શોખ પણ છે—હેન્ડમેડ રાખડી બનાવવાનો. શોખ તરીકે શરૂ થયેલું આ કાર્ય હવે તેમની ઓળખાણ બની ગઈ છે. રક્ષાબંધન આવે તેટલેથી જીનલ પોતાના હાથોથી બનાવેલી વૈવિધ્યસભર રાખડીઓ સાથે બીલીમોરા શહેરમાં વિવિધ સ્થળે સ્ટોલ લગાવે છે.
કલા અને શોખનું અનોખું મિશ્રણ
જીનલ દ્વારા તૈયાર કરવામાં આવતી રાખડીઓમાં ફક્ત દોરી અને મણકા જ નથી—પરંતુ તેમાં હોય છે લાગણી, કાળજી અને કલા. દરેક રાખડીમાં કોઇનેક ઇમોશન છુપાયેલું હોય છે—ક્યારેક ભાઈ માટેનું પ્રેમભર્યું સંદેશ, તો ક્યારેક બહેનની મમતા. જીનલ પોતાની રાખડીમાં પરંપરાગત ડિઝાઇન સાથે આધુનિક ટચ પણ લાવે છે, જેથી દરેક ઉમરના લોકો માટે તે આકર્ષક બને.
સ્થાનિક સ્તરે આત્મનિર્ભરતા તરફ પહેલ
જીનલના પ્રયાસો એ માત્ર કલા સુધી સીમિત નથી. તેમનો આ પ્રયાસ આતમનિર્ભર ભારત અભિયાનને સમર્પિત છે. તેઓ પોતે સામગ્રી ખરીદે છે, જાતે દરેક પીસ તૈયાર કરે છે અને તેને શહેરમાં લોકલ માર્કેટ અથવા વિશેષ મેળાઓમાં વેચે છે.
વિશેષ વાત એ છે કે, ઘણા ગ્રાહકો આજે પણ “મેઇડ બાય જીનલ” લેબલ વાળી રાખડી ખાસ શોધી ને ખરીદે છે.
યુવાન છોકરીઓ માટે પ્રેરણારૂપ સિદ્ધાંત
જીનલ પટેલ જેવી યુવતીઓ આ સમાજ માટે એક પ્રેરણા છે. તેઓ બતાવે છે કે શિક્ષણ સાથે શોખ અને કલા પણ વ્યક્તિનું જીવન સુંદર બનાવી શકે છે.
જીનલબેનનું કહેવું છે કે, “શીખો, વિચારો અને પોતાનું કંઈક અલગ બનાવો. દરેક તહેવાર એ તમારી આવડત દર્શાવવાનો મોકો હોઈ શકે છે.”
