નવસારી મહાનગરપાલિકા અને ગુજરાત રાજ્ય યોગ બોર્ડ દ્વારા શહેરના ઐતિહાસિક ફ્લાવર શોમાં “ઓક્સિજન ઈનટેક પ્રો મેક્સ” નામક નવતર યોગ કાર્યક્રમનું આયોજન કરવામાં આવ્યું. આ કાર્યક્રમમાં કુલ ૧૫૧ યોગપ્રેમીઓ અને મહાનગરપાલિકા ના સફાઈ યોધ્ધાઓએ ભાગ લીધો.
કાર્યક્રમનો મુખ્ય હેતુ કુદરતી વાતાવરણ અને સુંદર ફૂલોની સુગંધના માધ્યમથી વધુ ઓક્સિજન પ્રાપ્ત કરવાનો હતો. હાજર તમામ લોકોને યોગ અને પ્રાણાયામ દ્વારા સ્વાસ્થ્યને મજબૂત રાખવા માટે જોડાવાની વિનંતી કરવામાં આવી હતી.
આ કાર્યક્રમ ગુજરાત રાજ્ય યોગ બોર્ડના યોગ કો-ઓર્ડિનેટર શ્રીમતી ગાયત્રી બેન તલાટી અને યોગ કોચ/ટ્રેનર દ્વારા સંચાલિત કરવામાં આવ્યો.
પ્રસંગે ગુજરાત રાજ્ય યોગ બોર્ડ દ્વારા નવસારી મહાનગરપાલિકા અને વહીવટી તંત્રનો આભાર માનવામાં આવ્યો.
