કોઈપણ શહેર હોય તો તેની સમસ્યાઓ અને હોય છે. આ સમસ્યાઓ જે તે પાલિકા કે શાસક પક્ષને જણાવ્યા બાદ દરેક સમસ્યાઓનો હલ કરવામાં આવતો હોય છે. પરંતુ વિજલપુરના લોકો તો એટલા કંટાળ્યા છે કે શાસકોને પણ રજૂઆત કરી તંત્રને પણ રજૂઆત કરી પરંતુ કોઈ પણ પ્રકારનો સમાધાન સમસ્યાઓનો ન આવતા આખરે વિજલપુરના નાગરિકો કોંગ્રેસ તરફ પડ્યા હતા.
હવે વાત ફક્ત નાગરિકોની નથી પરંતુ મહિલાઓએ મોરચો ઉપાડ્યો છે. કોંગ્રેસના નવસારી જિલ્લાના મહિલા પ્રમુખની આગેવાનીમાં વિજલપુર ની 150 થી વધુ મહિલાઓ આજે કોંગ્રેસમાં જોડાઈ.
વિજલપુર માં એવી તો શું ઘટના બની
નવસારી નો વિજલપુર વિસ્તાર એટલે કે આ વિસ્તારમાં આરસી પટેલ નો દબદબો છે. છેલ્લી સાત ટર્મથી આરસી પટેલ અહીંના ધારાસભ્ય છે. અને તેમની કામગીરી ગામે ગામ વખણાય છે. એટલું જ નહીં પરંતુ ભારતીય જનતા પાર્ટીના પ્રદેશ પ્રમુખ અને જલશક્તિ મંત્રી એવા સી આર પાટીલ દ્વારા પણ દરેક કાર્યક્રમમા તેમની કામગીરીની પ્રશંસા કરતા હોય છે. પરંતુ વિજલપુર માં એવી તો શું ઘટના બની અને એવા તો કેવા લોકોના પ્રશ્ન હલના થયા કે સમગ્ર મહિલાઓની ટીમ કોંગ્રેસમાં એક સાથે જોડાઈ.
કોંગ્રેસના મહિલા પ્રમુખ અર્ચના સોલંકીએ ફેરવી જાદુની છડી
નવસારીની વીજલપુર વિસ્તારમાં આવેલી વન ગંગા સોસાયટી છે જેમાં અનેક મહિલાઓ આજે કોંગ્રેસમાં જોડાઈ છે. ભાજપના વિસ્તારમાં જ જઈને કોંગ્રેસના મહિલા પ્રમુખ અર્ચના સોલંકીએ એવી જાદુની છડી ફેરવી કે મહિલાઓની આખે આખી ટીમ ભાજપમાં જોડાઈ ગઈ. સ્થાનિકોને આ બાબતે પ્રશ્ન કરતા તેમને જણાવ્યું કે અહીં સમસ્યા એક નહીં પરંતુ અનેક છે. રસ્તા પાણી અને અન્ય સુવિધા સ્થાનિકોને ન મળતી હોવાના આક્ષેપો સામે આવ્યા હતા.
આજે 150 કાલે હજાર અને બાદ 1500 લોકો જોડાશે – કોંગ્રેસ પ્રમુખ
આ કાર્યક્રમ દરમિયાન રવિવારે જિલ્લા કોંગ્રેસ પ્રમુખ શૈલેષ પટેલ પણ ઉપસ્થિત રહ્યા હતા અને તેમને જણાવ્યું હતું કે પ્રજા હવે ભાજપથી કંટાળી છે. તમામ જનતા હવે કોંગ્રેસ તરફ પ્રયાણ કરી રહી છે. આજે 150 કાલે હજાર અને બાદ 1500 લોકો નીતિન કોંગ્રેસમાં જોડાય તો નવાઈની વાત નથી.
