નવસારી શહેરમાંથી વહેતી પૂર્ણા નદીની સપાટીમાં ઘટાડો નોંધાયો છે. મોડી રાત્રે નદીની સપાટી 20 ફૂટ સુધી પહોંચી હતી, જેના કારણે વહીવટી તંત્ર સાથે સ્થાનિકોમાં પણ ચિંતા ફેલાઈ હતી.
નવસારી જિલ્લા તેમજ ઉપરવાસ વિસ્તારમાં પડેલા ભારે વરસાદને કારણે પૂર્ણા નદીમાં પાણીનું પ્રમાણ ઝડપથી વધી ગયું હતું. જોકે, ઉપરવાસ અને નવસારી જિલ્લામાં વરસાદે વિરામ લેતા હવે નદીની સપાટીમાં ઘટાડો થવા લાગ્યો છે.
હાલ પૂર્ણા નદીની સપાટી 16 ફૂટ પર પહોંચી છે. નદીની સપાટીમાં ઘટાડો થતાં વહીવટી તંત્રએ રાહતનો શ્વાસ લીધો છે.
સ્થાનિક રહેવાસીઓ માટે પણ આ ઘટાડો આનંદની વાત છે, કારણ કે નદી કિનારે વસવાટ કરતા લોકો માટે પૂરનું જોખમ ઘટી ગયું છે.
