નવસારી જિલ્લાની તમામ નદીઓ નવસારી જિલ્લાને ચોમાસા દરમિયાન અમાસ અને પૂનમની ભરતી વખતે પૂરના ખપ્પરમાં હોમી દે છે જેના કારણે નવસારી જિલ્લો પુરમાં ડૂબી જાય છે. દક્ષિણ ગુજરાતમાં સૌથી વધુ વરસાદ ડાંગ તાપી સુરત નવસારી અને વલસાડ જિલ્લામાં પડતો હોય છે અને ડાંગ સુરત અને તાપી જિલ્લો એ પૂર્ણ અંબિકા કાવેરી અને મીંઢોળા નદીનો કેચમેન્ટ એરિયા ગણાય છે.
એમાં વરસાદ વરસતા ની સાથે પૂરની સ્થિતિ નિર્માણ થાય છે. એક સાથે 10 in થી વધુ વરસાદ પડશે તો નવસારી શહેર બીલીમોરા શહેર અને નદીકાંઠા વિસ્તારોને પુરમાં ડૂબી જવા મજબૂર થવું પડે છે. 1968 ની રેલથી શરૂ થયેલો સિલસિલો આજે પણ યથાવત છે 1968 ની રેલ વખતે નવસારી શહેરમાં ગંભીર સ્થિતિ નિર્માણ થઈ હતી.
1968 રેલ કરતા તો ઓછો જ વરસાદ નવસારી શહેરમાં આવે છે. અત્યાર સુધી યોગ્ય પગલાં ન લેવાના કારણે નવસારી શહેરનું પુર ટાળી શકાયું નથી. હવે લોકો પૂર સાથે જીવતા શીખી ગયા છે. સ્થળાંતરિત કરવાની આવશ્યકતા ઊભી થાય છે. પરંતુ દર વર્ષે બનેલા માળખા પ્રમાણે આશરે સ્થાનો બનાવી લોકોને રાખવામાં આવે છે. ખીચડી ખવડાવવામાં આવે છે. પાઉં બટાકા ખવડાવવામાં આવે છે. ફૂડ પેકેટો આપીને નગરપાલિકા કેસડોલ ચૂકવીને સંતોષ માની લે છે.
નવસારી માં પુર કેમ આવે છે ?
પૂર્ણા નદીનો કેચમેન્ટ એરિયા ગણાતા ડાંગ જિલ્લાના સુબીર અને મહારાષ્ટ્રનો નવાપુરનો ડુંગરાળ વિસ્તાર સાથે તાપી જિલ્લાના સોનગઢ તાલુકાના કેટલા ગામો ઢોલવણ તાલુકાના કેટલા ગામો વાલોડ બુહારી મહુવા વિસ્તારમાં પડેલો 20 ઇંચ થી વધુ વરસાદ નવસારી શહેરની પૂર્ણા નદીમાં પૂર લાવી દે છે.
સરકાર પાસે દક્ષિણના ગામડાઓમાં અને ડુંગરાળ વિસ્તારમાં પડતા વરસાદની માહિતી નથી હોતી…!
મોટાભાગે દક્ષિણ ગુજરાતમાં જે પૂર આવે છે એના માટે ડુંગરાળ વિસ્તારમાં પડતો એકધારો વરસાદ 20 ઇંચ થી વધુ વરસાદ વરસે તો પૂર્ની સ્થિતિ નિર્માણ થાય છે એમાં પણ વરસાદ માપન માટે ના સ્થળો ડુંગર અને ગ્રામ્ય વિસ્તારોમાં નથી જેને લઈને કેટલો વરસાદ પડ્યો એનું આકલન લગાવી શકાતું નથી અને સરકાર સતર્ક થતી નથી અચાનક નદીઓની સપાટી વધ્યા બાદ જાહેર કરવામાં આવે છે.
લોકોને પોતાનો ઘર સામાન વક્રી સમેટવાનો મોકો મળતો નથી જેના કારણે પણ ધંધા રોજગારને અને ધ્યાનમાં લઈને નુકસાન થતું હોય છે. ડુંગરાળ વિસ્તારોમાં વરસાદ માપનની સિસ્ટમો લગાવી જરૂરી બની ગઈ છે.
