જિલ્લા પંચાયતની સામાન્ય સભા વિકાસના કામોની ગતિ આપવા માટે આયોજન કરતી હોય છે. જેમાં વિવિધ ગ્રાન્ટોમાંથી મળતા રૂપિયાનું આયોજન કરીને નક્કર સ્વરૂપ આપતી હોય છે. નવસારી જિલ્લા પંચાયતની સામાન્ય સભા જિલ્લા પંચાયતના સભાખંડમાં મળી હતી. જેમાં શાસક પક્ષ અને વિરોધ પક્ષના નેતાઓ હાજર રહ્યા હતા સાથે વહીવટી અધિકારીઓ પણ મોટી સંખ્યામાં ઉપસ્થિત રહ્યા હતા. નવસારી જિલ્લાના વિકાસની ઊંચાઈ ઉપર લઈ જવા માટેની વિવિધ ગ્રાન્ટો અને આયોજનને બહાલી આપવામાં આવી તે આયોજનના ભાગરૂપે કરવામાં આવેલી કામગીરીને મંજૂરી અને માન્યતા આપવાની સાથે આગોતરા આયોજનો પણ કર્યા હતા. જેમાં મહત્વના કેટલાક 20 જેટલા કામોને બહાલી આપવામાં આવી છે.
પ્રમુખ માટે બનશે બંગલો..
જિલ્લા પંચાયતની સામાન્ય સભામાં પ્રમુખ માટે બંગલો બનાવવા માટેનું આયોજન કરવામાં આવ્યું છે. જેમાં પશુપાલન વિભાગની જમીનમાં અલગ જગ્યા ફાળવીને તેમાંથી જિલ્લા પંચાયત પ્રમુખને પડતી મુશ્કેલીને દૂર કરવા માટેનું આયોજન કરવામાં આવ્યું છે અને સામાન્ય સભાએ બહાલી આપી છે.
મરોલી રેસ્ટ હાઉસમાં પીપીપી ધોરણે વિકસાવીને આવક ઊભી કરવાનું આયોજન કરવામાં આવ્યું
મરોલી ગેસ્ટ હાઉસ જિલ્લા પંચાયત હસ્તકનું જૂનું અને જાણીતું વિશાળ જગ્યા ધરાવતી જગ્યા વાળું રેસ્ટ હાઉસ છે. જેનો ઉપયોગ ઓછો થતો હોય છે. જુનવાણી હોવાના કારણે ઉપયોગ ઓછી માત્રામાં થાય છે. ઉભરાટ-મરોલી માર્ગ ખૂબ બીઝી રહેતો હોય છે. પર્યટકોથી ઉભરાતો હોય છે. તેવા સમયે ત્યાં રેસ્ટ હાઉસને આધુનિક બનાવવા અને પાર્ટી પ્લોટ બનાવવા માટેનું આયોજન કરવામાં આવ્યું છે. જેના માટે ppp મોડેલને આગળ ધરીને યોજના બનાવવામાં આવી છે. જેની પણ બહાલી આપવામાં આવી છે.
જિલ્લા પંચાયત હવે એટીએમમાં આપશે થેલી
જિલ્લા પંચાયત દ્વારા ગૌતર આયોજન કરવામાં આવ્યું છે. જેમાં જિલ્લા પંચાયત હસ્તકની શાળાઓમાં એટીએમમાંથી થેલી આપવાનું આયોજન કરવામાં આવ્યું છે. અબ્રામા, આમડપોર, વાંસદા અને અમલસાડ ગામે કાપડની થેલીઓ એટીએમમાંથી મળશે. જેનાથી પ્લાસ્ટિકનો ઉપયોગ ઓછો થશે અને કાપડની થેલીઓના ઉપયોગથી પર્યાવરણ બચશે. તેવું આયોજન જિલ્લા પંચાયતના દીર્ઘદ્રષ્ટા પ્રમુખ ડિડિયો અને તેમના અધિકારો દ્વારા આયોજન કરવામાં આવ્યું છે.
જિલ્લા ખેતીવાડી અધિકારીએ 15,000 ખેડૂતોને સહાય મળે એના માટેનું રિપોર્ટ રાજ્ય સરકારમાં કર્યું છે
નવસારી જિલ્લામાં અતિવૃષ્ટિ અને વાવાઝોડા જેવી સ્થિતિના કારણે ખેડૂતોને મોટાભાગના નુકસાન થયું હતું. જેમાં બે વખત નવસારી જિલ્લામાં પૂરની સ્થિતિ નિર્માણ થઈ હતી અને વરસાદી માહોલના કારણે 15 હજારથી વધુ ખેડૂતોને નુકસાન થયું છે અને 15 કરોડથી વધુની માંગની દરખાસ્ત રાજ્ય સરકારમાં મોકલવામાં આવી છે એ આવ્યા બાદ કેટલી મંજૂર થાય છે ત્યારબાદ ખેડૂતોને ચુકવણું કરવામાં આવશે.
ગણદેવી તાલુકાના ત્રણ જિલ્લા પંચાયત હસ્તકના રસ્તાઓ તે થયું અને સુપરત કરવામાં આવ્યા
ધકવાડા, કેસલી, અંભેટા રોડ, ખોડીયાર લુહાર ફળિયાથી નેશનલ 48 ને જોડતો અમલસાડ એપીએમસી માર્કેટથી ગાંધીનગર રોડ રસ્તા હવે સ્ટેટ હાઇવેમાં આવી જશે અને તેમની તમામ જવાબદાર રાજ્ય સરકારની રહેશે.
મરોલીનો વિવાદિત મીઢોળા ખાડીનો બ્રિજ ખાનગી વ્યક્તિઓ દ્વારા બનાવવામાં આવી રહ્યો છે જેને બહાલી ન આપી
નવસારીના મરોલી ખાતે ખાનગી ડેવલોપરો દ્વારા મીંડોળા નદી પર મસ્ત મોટો મહાકાય લેવલ બ્રિજ બનાવવામાં આવી રહ્યો છે. રાજ્ય સરકારની પરવાનગી લીધા વગર જિલ્લા પંચાયત પાસેથી બહાલી મેળવ્યા વગર બ્રિજ બનાવવાની શરૂઆત કરી દેવામાં આવી છે. જેના કારણે બંધ કરવામાં આવ્યો છે. જિલ્લા પંચાયત દ્વારા સ્થળ ચકાસણી કર્યા બાદ સમગ્ર બ્રિજની સ્ટેબિલિટી અને તેની જે કઈક વ્યવસ્થાઓ છે એની ચકાસણી કર્યા બાદ વિચારણા કરીને જિલ્લા પંચાયત મંજૂરી આપવી છે કેમ તે નક્કી કરશે? સમગ્ર બ્રિજની કામગીરી મંજૂરી વગર બની રહી હોવાનું ધ્યાને આવતા જિલ્લા પંચાયતે નિર્ણય લીધો છે.
