નવસારી જિલ્લાના નેશનલ હાઇવે 48 પર આવેલા બોરિયાચ ટોલનાકે આગામી 1 એપ્રિલથી ટોલ ટેક્સમાં 4 થી 5 ટકાનો વધારો કરવાનો નિર્ણય કર્યો છે. આ નિર્ણયનો સીધો અસર પ્રત્યે 30,000 જેટલા રોજના વાહનચાલકો પર પડશે.
માત્ર ચાર મહિના પહેલાં, નવેમ્બરમાં, બોરિયાચ ટોલ ટેક્સમાં 70% જેટલો વધારાની જાહેરાત થઈ હતી, જે મોટો મુદ્દો બન્યો હતો. આ ભારે વધારો વિવાદિત બન્યો હતો અને સ્થાનિક સ્તરે તેમજ ઉચ્ચ કક્ષાએ રજૂઆત થયા પછી પણ ઘટાડો કરવામાં આવ્યો ન હતો.
હવે, હાઈવે ઓથોરિટી દ્વારા દર વર્ષે એપ્રિલમાં કરવામાં આવતા ટેક્સ રિવિઝન અંતર્ગત ફરી ટોલ દરમાં વધારો કરાયો છે. આ નિર્ણયને કેટલાક સ્થાનિક લોકો અને વાહનચાલકો અનાયાસ ગણાવી રહ્યા છે.
નવા દર (1 એપ્રિલથી લાગુ):
| વાહન પ્રકાર | હાલનો દર (રૂ.) | 1 એપ્રિલ પછીનો દર (રૂ.) |
| લાઈટ મોટર વ્હીકલ | 115 | 120 |
| કોમર્શિયલ વ્હીકલ | 190 | 195 |
| બસ/ટ્રક | 395 | 410 |
| ટુ-એકસએલ વ્હીકલ | 430 | 445 |
| મલ્ટીએક્સલ વ્હીકલ | 620 | 640 |
| મોટા વાહનો | 755 | 780 |
નવેમ્બરમાંના આકરા વધારાને લઈને કેન્દ્રીય મંત્રી નીતિન ગડકરી સમક્ષ રજૂઆત કરવામાં આવી હતી, જેમાં સકારાત્મક હૈયાધરપત અપાઈ હતી.
“પાછલા વધારાને રદ કરવા માટે રજૂઆતો થઈ હતી, પરંતુ તે આજે પણ અમલમાં છે. હવે ફરીથી કરાયેલ વધારો તદ્દન ખોટો છે. જો આ વધારો પાછો ખેંચવામાં નહીં આવે, તો અમે ઉગ્ર આંદોલન કરીશું.” ધારાસભ્ય અનંત પટેલ (વાંસદા)
