ધમડાછા ખાતે આવેલા સી.કે. ફાર્મ એન્ડ પાર્ટી પ્લોટમાં અમૃતમ હોસ્પિટલ ગણદેવી તથા રોટરી ક્લબ ગણદેવીના સંયુક્ત ઉપક્રમે અમૃતમ કપ ક્રિકેટ ટુર્નામેન્ટનું આયોજન કરવામાં આવ્યું હતું, જેના મુખ્ય સ્પોન્સર એડવાઈઝ ફાઇનાન્શિયલ સર્વિસ ગણદેવીના પિનલ નાયક અને રવિ નાયકના મુખ્ય આર્થિક સહયોગ સાથે છ જેટલી ટીમો વચ્ચે ટુર્નામેન્ટ રમાડવામાં આવી હતી. આ ટુર્નામેન્ટનું આયોજન આઈ.પી.એલ. પ્રકારે વિવિધ ટીમના માલિકો દ્વારા કરાયું હતું.
આ ટુર્નામેન્ટમાં ડૉ.કમલ વશીની મંગલમ ટીમ, જય દેસાઈની જેકી સ્ટ્રાઈકર્સ ટીમ, ડૉ.ચિરાગ દેસાઈ અને પોરસ નાયકની સુપર શિવમ ટીમ, નિસર્ગ મહેતા અને વિરાંગ દેસાઈની મૂન નેચર ટીમ, અલ્યક મહેતા અને શિવ નાયકની ફ્રેન્ડસ ઇલેવન તથા પ્રીત નાયકની રક્ષા મેડિકલ ટીમના માલિકો દ્વારા ટીમો સ્પોન્સર કરવામાં આવી હતી. બે દિવસ ડે નાઈટ ક્રિકેટ ટુર્નામેન્ટનું ખુબ સુંદર આયોજન પાર્ટી પ્લોટના મનમોહક વાતાવરણમાં થયું હતું. આ સમગ્ર આયોજનની જવાબદારી ક્લાઉડલેબ્સ કોમ્યુનિટી સેન્ટરના યુવાનો, અમૃતમ હોસ્પિટલના સ્ટાફ અને રોટરી ક્લબ ગણદેવીના સભ્યો દ્વારા ઉપાડવામાં આવી હતી.
અત્રે એ બાબત નોંધનીય છે કે આ ટુર્નામેન્ટના આયોજન દ્વારા પ્રાપ્ત થયેલી તમામ રકમનો ઉપયોગ અમૃતમ હોસ્પિટલના આર્થિક રીતે ગરીબ દર્દીઓને સારવાર માટે કરવામાં આવશે. આવા ઉમદા હેતુને ધ્યાનમાં રાખીને કરવામાં આવેલા આયોજનને ટીમના માલિકો દ્વારા અને દાતાઓ દ્વારા સુંદર સહયોગ પ્રાપ્ત થયો હતો.
ફાઇનલ મેચમાં મંગલમ ટીમ વિજેતા થઈ હતી અને જેકી સ્ટ્રાઈકર્સ ટીમ રનર્સ અપ બની હતી. ટ્રોફી માટે મુખ્ય સ્પોન્સર મૌલિક નાયક તલિયારા તરફથી આર્થિક સહયોગ મળ્યો હતો.
એડવાઇઝ ફાઇનાન્શિયલ સર્વિસ ઉપરાંત આ ટુર્નામેન્ટમાં અન્ય દાતાઓનો પણ સુંદર સહયોગ પ્રાપ્ત થયો હતો. રોટરી પ્રેસિડેન્ટ પરિમલ નાયક, સેક્રેટરી ફાલ્ગુની નાયક, અમૃતમ હોસ્પિટલના પ્રેસિડેન્ટ રાકેશ નાયક, મંત્રી અમિત નાયક, અમર વશી, ઉત્સવ નાયક, હેતવ નાયક, તીર્થ નાયક વગેરે યુવાનોએ ખૂબ જહેમત ઉઠાવીને સમગ્ર આયોજનને સફળ બનાવ્યું હતું.
